سواء كنت مبرمج محترف أو مبتدئ، إمسك المقال ده مينفعش يعدي منك 😲



سواء كنت مبرمج محترف أو مبتدئ، إمسك المقال ده مينفعش يعدي منك 😲
لو كنت محترف برمجة أو لسه باديء أو حتى لسه بتتعلم، فـ انت كده كده هتحتاج مجموعة من الأكواد الجاهزة اللي تختصرلك الوقت، أو اللي من خلالها تقدر تتعلم أداء مجموعة من المهمات اللي هتحتاجها في طريقك للاحتراف، وكمان هتحتاجها في مشاريعك 👨‍💻
هنا بقى هقولك على أفضل مواقع هتلاقي فيها أكواد جاهزة مفتوحة المصدر، وهتفيدك جدًا: 👇😉
==============================
1️⃣️ موقع Github 👇
موقع Github من المواقع الضخمة والكبيرة جدًا واللي بتجمع كتير من المبرمجين في مختلف مناطق العالم، وموقع قديم جدًا، وبيتيح للمبرمجين والمطورين مشاركة مشاريعهم الخاصة بمصدر مفتوح مع باقي الناس أو مع الناس اللي بتتابعهم على حسابهم، وموجود في الموقع آلاف المطورين والمبرمجين، وبيسمحلك تأخد المشاريع اللي إنت عايزها، والأكواد الجاهزة للتعديل، وكمان محرر عشان تحرير الأكواد البرمجية من الموقع وتجربتها.
وده لينك الموقع : https://github.com/
-----------------------------------------------
2️⃣️ موقع searchcode 👇
ده بقى من أهم المواقع بالنسبة لأعظم المبرمجين، لأنه بيحتوي على أكتر من 20 بليون سطر برمجي، وأكتر من 7 ملايين مشروع برمجي، وده أكتر من اللي انت ممكن تحتاجه أصلًا، وكمان الموقع مجاني فتقدر تأخد المشروع اللي إنت عايزه أو الكود اللي إنت عايزه براحتك.
وده لينك الموقع : https://searchcode.com/
-----------------------------------------------
3️⃣️ موقع Open Hub 👇
موقع ضخم جدًا، هتلاقي فيه كل اللي يخص الأكواد البرمجية، وأكتر من 30 بليون سطر برمجي مخصص ليك، وكمان يعتبر محرك بحث على الأكواد.
ده لينك الموقع : https://www.openhub.net/
-----------------------------------------------
4️⃣️ موقع CodeProject 👇
لو بقى عايز مشاريع كاملة في كل اللغات البرمجية يبقى هتلاقي طلبك في الموقع ده، ده موقع تابع لشركة مايكروسوفت خاص بالمبرمجين وفيه الآلاف من المطورين والمبرمجين من جميع أنحاء العالم، وكلهم بيشاركوا أعمالهم و مشاريعهم على شكل ملفات مفتوحة المصدر، وتقدر تنسخ وتعدل عليها وكمان تطرح أسئلتك بكل سهولة.
ده لينك الموقع : https://www.codeproject.com/
-----------------------------------------------
5️⃣️ موقع Codota 👇
لو انت مطور تطبيقات أندرويد فده أفضل موقع ممكن تلاقيه، وتقدر تأخد أكواد التطبيقات وكل حاجة تحتاجها تخص تطبيقات الأندرويد من عليه، والموقع فيه طريقة إحترافية للبحث عن أكواد مفتوحة المصدر.
ده لينك الموقع : https://www.codota.com/
-----------------------------------------------
6️⃣️ موقع CodePen.io 👇
لو انت بقى مصمم أو مبرمج ويب، الموقع ده هيفيدك جدًا، ده بقى موقع تواصل إجتماعي للمبرمجين ومصممي مواقع الويب بيسمحلك الموقع بكتابة الأكواد البرمجية وإدراتها وكمان مشاركتها مع غيرك، وكمان الإستفادة من تصميمات غيرك. والموقع كمان بيحتوي على محرر أكواد، وكمان تقدر تحصل منه على تعليقات وتقييم لمشروعك على الموقع.
ده لينك الموقع : https://codepen.io/
-----------------------------------------------
7️⃣️ موقع CodeAnyWhere 👇
الموقع ده زي موقع CodePen بالظبط، بس ده نسخة مطورة وإحترافية وبيتميز بمجموعة من المميزات كتدعيمه للغات اللي بتتعامل مع السيرفرات زي php و python و java . والموقع ده بيحتوى على أكتر من 350 مليون ملف من الأكواد مفتوحة المصدر، وبيسمحلك الحصول على الأكواد بكل سهولة، وكمان مشاركتها بطريقة إحترافية.
ده لينك الموقع : https://codeanywhere.com
-----------------------------------------------
7️⃣موقع stack overflow 👇
لو انت مبرمج اومصمم فالموقع ده هيفيدك جدا ده بقى تسأل عن اى مشكله في كل اللغات البرمجية يبقى هتلاقي طلبك في الموقع ده
ده لينك الموقع : https://stackoverflow.com/
____________________________

Comments

Popular posts from this blog

افضل 10 مواقع للحصول على iptv عالي الجودة

كيف تصبح مصمم جرافيك